လူငယ်


ဂလိုဘယ်လမ်းမှာ ရက္ခိတတရားကျိုးကျလီဗျာယ်လေ
စကော့တလန်လွတ်လပ်ရီးနန့် လွဲခစွာ
ဆန္ဒခံယူပွဲမှာ ဗျာလဆောင်ဖို့မိကျန်ခလို့..။

ဗီဇက အသိကိုတံဆိပ်တပ်ခြင်းမဟိ
စဉ်းစားခန်းထဲဝင်ပြီးထွက်လို့မရစွာ
မိဖရိုးရာ ရွှီလှီကားနန့်တက်ခလို့ရာ..။

လူမူဆက်ဆံရီးမှာ နာမ်တိအားနုံးကိုသတ်ထားသူပါ
ဝိဥာဏ်ကိုမဟုတ်
သံယောဇဉ်ဆိုလို့ တိုင်းပြည်ရာကျန်ဗျာယ်
နိဗ္ဗာန်နန့်တော့ခါ အင်္သေချီအ၀ီးကြီး..။

ကဗျာဆရာအချင်းချင်းရာမနား
မာနလောက်တော့ မြင်တတ်ပါရေ
ကုသိုလ်နန့်အကုသိုလ်ကို အခွင့်အရီးသမားတယောက် လုလားလို့
အလှူမမြောက်လိုက်
ခွီးမသားချေဆိုပနာ
ပီတိ တ၀ီဝီနန့် ရယ်ခံလိုက်တေ..။

"ပရဟိတ" လား
သားသမီးကို ပညာတတ်စီချင်ရေ မိဖပိုင်
ကိုယ်တိုင်ကျကေ မကြိုးစားခ
မတရားကေလေး စေတနာတိကို အလကားပီးပါရစီ။

စဉ်းစားခန်းကို လင်လုပ်လိုက်တေ
အချေမွီးမွီး၊ မမွီးမွီးး
တန်ရာတန်ရာလို့ ဖြေသိမ့်ကျန်လိုက်ရရေ။

ကျော့ကြာညို (ရခိုင်သမီးပျို)