အသစ်စက်စက် ရက်
မိုးထ ရောင်နီသန်းဗျာယ်
ငါရို့တိအားလုံးအတွက်
အသစ်စက်စက် ရက်တရက်။
ညက ငိုထားရေ
အမိမျက်လုံး
တတွတ်ရဲဗျာ
မျက်ရည်တိ စို့နီတုန်း --။
(အားတင်းထားပါအမိ) လို့
ဖြေသိမ့်စကားက လွဲ
တခုလည်းမတတ်နိုင်ရေသားတိကိုယ်စား
ခွင့်လွှတ်ဖို့ တောင်းဆိုပါယင့်။
နီပူဒါဏ်ကြောင့်
နီကြံကြံဆံပင်နန့် ငါ့အစ်မ
ဝမ်းနည်းစရာတိများရေခါ
ဇာကိုဝမ်းနည်းရဖို့လဲမသိလို့
(အကျွန်မငိုအောင် ကျင့်ထားရေ) လတ်။
မတော်မတရား စော်စော်ကားကား
(ဖက်ခွက်တိ) အနိုင်ကျင့်ခံရတိုင်း
တက်ခေါက်အံကြိတ်စွာများလွန်းလို့
ပြုံ့လိုက်တေခါပင်
တင်းနီရေမျက်ကြောနန့်
ငါ့ပါပါ ငါ့အစ်ကို --။
ရောင်နီသန်းရေ
အသစ်စက်စက် ရက်တရက်ကို
ငါရို့ ဘဇောင်ကြိုဖို့ရောင်--။
(ဇုန်ဒတ်)
computercrazy9999@gmail.com||203.81.72.200||5/16/2009 4:44:24 AM||
|Save Document|
|Print Document|